Nexuma — sistemi i burimeve njerëzore dhe i prezencës
Nexuma është mjet pune që përdoret nga punëdhënësi yt për të administruar marrëdhënien e punës: prezencën, pushimet, pagën, dokumentet dhe komunikimin e brendshëm. Kjo faqe shpjegon çfarë të dhënash mbledhim, pse, sa gjatë i mbajmë dhe si i kontrollon ti.
Kontrolluesi i të dhënave është punëdhënësi yt, i cili vendos cilat të dhëna futen në sistem dhe kush i sheh. Nexuma vepron si përpunues në emër të tij.
| Kategoria | Të dhënat | Nga vjen |
|---|---|---|
| Identiteti | Emri, mbiemri, email-i, telefoni, adresa, numri personal, kodi i punëtorit, data e punësimit, fotografia e profilit | Punëdhënësi; fotografinë e ngarkon vetë punëtori |
| Prezenca | Ora e hyrjes dhe e daljes, pauzat, takimet, trajnimet, skanimet e QR-së në kiosk | Skanimi në kiosk dhe veprimet në app |
| Paga | Paga bruto e neto, tatimi, kontributet, ndalesat, fletëpagesat, llogaria bankare | Punëdhënësi |
| Pushimet dhe kërkesat | Kërkesat, llojet e pushimit, datat, arsyet, vendimet, dhe bashkëngjitjet mjekësore kur kërkohen | Punëtori dhe ai që vendos |
| Dosja e punësimit | Kontratat, certifikatat, vërejtjet, vlerësimet, projektet ku je caktuar | Punëdhënësi |
| Komunikimi | Mesazhet me tekst, mesazhet zanore, reagimet, dhe shenja se kush e ka lexuar një mesazh | Vetë përdoruesit |
| Pajisja | Tokeni i njoftimeve, adresa IP dhe lloji i pajisjes te gjurma e skanimeve | App-i dhe kioska |
Të dhënat nuk shiten, nuk jepen me qira dhe nuk përdoren për profilizim automatik që prodhon vendime pa njeri në mes.
Qasja kontrollohet te serveri, jo te app-i: një kërkesë për të dhëna që nuk të takojnë refuzohet edhe nëse dërgohet drejtpërdrejt.
Të dhënat ruhen te serveri i punëdhënësit tënd, brenda Bashkimit Evropian. Komunikimi me serverin bëhet gjithnjë i enkriptuar (HTTPS). Skedarët — dokumentet, fotografitë, mesazhet zanore — ruhen jashtë hapësirës publike të web-it dhe shërbehen vetëm pas kontrollit të të drejtave.
Nexuma nuk ka mjete analitike, nuk ka reklama dhe nuk përdor SDK të palëve të treta që mbledhin të dhëna. Të dhënat nuk shiten dhe nuk jepen me qira.
Një palë e vetme e tretë preket, dhe vetëm për një gjë: Apple Push Notification service. Kur ndez njoftimet, telefoni yt merr nga Apple një token dhe ne e ruajmë atë për të të dërguar njoftimin. Titulli dhe rreshti i parë i njoftimit kalojnë përmes serverëve të Apple-it, sepse ashtu funksionojnë njoftimet në iOS. Nëse i fik njoftimet, tokeni fshihet.
Çdo ofrues shërbimi që përpunon të dhëna në emër të punëdhënësit detyrohet me kontratë të japë të njëjtën mbrojtje që përshkruhet këtu.
| Të dhënat | Sa mbahen |
|---|---|
| Prezenca dhe orari | Sa zgjat marrëdhënia e punës, plus afati që kërkon legjislacioni i punës |
| Paga dhe fletëpagesat | Sipas afatit që kërkon legjislacioni tatimor — zakonisht më i gjati |
| Dosja e punësimit | Sa zgjat marrëdhënia e punës, plus afati ligjor pas saj |
| Mesazhet e bisedave | Derisa t’i fshish ti, ose derisa llogaria të mbyllet |
| Fotografia e profilit | Derisa ta heqësh vetë nga app-i |
| Tokeni i njoftimeve | Derisa t’i fikësh njoftimet ose të dalësh nga llogaria |
Afatet e sakta i cakton punëdhënësi sipas ligjit. Të dhënat e marrëdhënies së punës mbahen edhe pas përfundimit të saj, sepse ligji e kërkon — kjo nuk është zgjedhje e jona dhe nuk mund të hiqet me kërkesë.
Çka mund ta bësh vetë, menjëherë, nga app-i:
Për të kërkuar fshirjen e llogarisë ose të të dhënave të tjera, shkruaj te support@nexuma.app ose drejtohu te burimet njerëzore. Kërkesa i përcillet punëdhënësit, i cili është kontrolluesi i të dhënave, dhe përgjigja jepet brenda 30 ditësh.
Llogaria fshihet dhe qasja ndërpritet. Ajo që nuk fshihet dot është vetëm ajo që ligji e detyron të mbahet — evidencat e pagës dhe të orarit — dhe në atë rast të thuhet cila pjesë mbetet dhe deri kur.
Nexuma është mjet pune dhe nuk u drejtohet fëmijëve. Llogaritë i hap punëdhënësi vetëm për persona të punësuar; nuk ka regjistrim publik.
Fotografinë e profilit e heq vetë, kurdo, nga app-i: Profili im → fotografia → Hiqe. Për të tjerat, kërkesa dërgohet te burimet njerëzore — edhe nga vetë app-i, te Kërkesat → Kërkesë e re.